ଆୟ ବର୍ହିଭୂତ ସଂପତ୍ତି ଠୁଳ ଅଭିଯୋଗରେ କଳାହାଣ୍ଡି ଜିଲ୍ଲା ଭବାନୀପାଟଣାର ସାଧାରଣ ଜନସ୍ୱାସ୍ଥ୍ୟ ସେକ୍ସନର ସହକାରୀ ଯନ୍ତ୍ରୀ କିଶୋରଚନ୍ଦ୍ର ସାହୁଙ୍କୁ ଗିରଫ କରିଛି ଭିଜିଲାନ୍ସ। କିଶୋରଚନ୍ଦ୍ର ସାହୁ ତାଙ୍କ ଆୟଠାରୁ ୩୧୩% ଅଧିକ ସଂପତ୍ତି ଠୁଳ କରିଥିବା ଭିଜିଲାନ୍ସ ପକ୍ଷରୁ କୁହାଯାଇଛି।
ଶ୍ରୀ ସାହୁଙ୍କର ଭବାନୀପାଟଣା ସହରରେ ୧.୧୦ କୋଟି ଟଙ୍କାର ଗୋଟିଏ ତିନି ମହଲା କୋଠା ରହିଛି। ଭବାନୀପାଟଣା ସହରରେ ପ୍ରମୁଖ ସ୍ଥାନରେ ତାଙ୍କର ଦୁଇଟି ପ୍ଲଟ୍ ରହିଛି। ବ୍ୟାଙ୍କ, ପୋଷ୍ଟାଲ ଓ ବୀମା ଜମା ବାବଦକୁ ତାଙ୍କର ୧ କୋଟି ୫୪ ଲକ୍ଷ ଟଙ୍କା ଠାବ କରାଯାଇଛି। ତାଙ୍କ ଠାରୁ ନଗଦ ୨.୬୫ ଲକ୍ଷ ଟଙ୍କା ସହିତ ୪୪୧ ଗ୍ରାମର ସୁନା ଓ ୭୦୦ ଗ୍ରାମର ରୁପା ଅଳଙ୍କାର ଜବତ କରାଯାଇଛି। ତାଙ୍କର ୨ଟି ଦୁଇ ଚକିଆ ଗାଡ଼ି ଓ ଅନ୍ୟାନ୍ୟ ଗୃହଉପକରଣ ଠାବ କରାଯାଇଛି, ଯେଉଁଗୁଡ଼ିକର ମୂଲ୍ୟ ୫.୪୭ ଲକ୍ଷ ଟଙ୍କାରୁ ଅଧିକ।
ସହକାରୀ ଯନ୍ତ୍ରୀ କିଶୋରଚନ୍ଦ୍ର ସାହୁଙ୍କୁ ଗିରଫ କରି କୋର୍ଟ ଚାଲାଣ କରିବା ସହିତ ଭିଜିଲାନ୍ସ ଅଧିକ ତଦନ୍ତ ଜାରି ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।