ବଲିଉଡ ଅଭିନେତା ସଲମାନ ଖାନ୍ଙ୍କ ଘର ଉପରକୁ ଗୁଳିମାଡ ମାମଲାରେ ଧରା ପଡିଲା ଆଉ ଜଣେ ଅଭିଯୁକ୍ତ। ମୁମ୍ବାଇ କ୍ରାଇମ ବ୍ରାଞ୍ଚ ପୁଲିସ ରାଜସ୍ଥାନରୁ ୫ମ ଅଭିଯୁକ୍ତକୁ ଗିରଫ କରିଛି। ପୂର୍ବରୁ ଏହି ମାମଲାରେ ୪ ଜଣ ଅଭିଯୁକ୍ତ ଗିରଫ ହୋଇ ସାରିଛନ୍ତି।
ସୂଚନା ମୁତାବକ, ଗିରଫ ଅଭିଯୁକ୍ତ ଜଣକ ହେଲା ମହମ୍ମଦ ଚୌଧରୀ। ସେ ଶୁଟର୍ ବିକ୍କି ଗୁପ୍ତା ଓ ସାଗର ପାଲଙ୍କୁ ଟଙ୍କା ଦେବା ଓ ସଲମାନଙ୍କ ଘରର ରେକି କରୁଥିବା ଅଭିଯୋଗ ରହିଛି। ଗିରଫ ପରେ ଅଭିଯୁକ୍ତ ମହମ୍ମଦକୁ ରାଜସ୍ଥାନରୁ ମୁମ୍ବାଇ ଅଣାଯାଉଛି। ତାଙ୍କୁ ଆଜି କ୍ରାଇମବ୍ରଞ୍ଚ କୋର୍ଟରେ ହାଜର କରିବା ସହ ତାକୁ ୫ ଦିନ ରିମାଣ୍ଡରେ ନେବା ପାଇଁ ଆବେଦନ କରିପାରେ।
Also Read
ନିକଟରେ ସଲମାନଙ୍କ ଘର ବାହାରେ ଗୁଳିମାଡ ମାମଲାରେ ଅଭିଯୁକ୍ତ ଅନୁଜ ଥାପନ ଜେଲ୍ ଭିତରେ ଆତ୍ମହତ୍ୟା କରିଥିଲା। ଶୁଟର୍ମାନଙ୍କୁ ବନ୍ଧୁକ ଯୋଗାଇଥିବା ନେଇ ଅନୁଜ ନାଁରେ ଅଭିଯୋଗ ହୋଇଥିଲା।
ମିଳିଥିବା ସୂଚନା ଅନୁଯାୟୀ ଅଭିଯୁକ୍ତ ଅନୁଜ ଥାପନ୍ ଜେଲ୍ ଭିତରେ ଏକ ବେଡ୍ସିଟ୍ ଜରିଆରେ ଫାଶି ଲଗାଇ ଆତ୍ମହତ୍ୟା କରିଥିଲା। ରାତିରେ ଶୋଇବା ପାଇଁ ଅଭିଯୁକ୍ତକୁ ଏକ ବେଡ୍ସିଟ୍ ବା ଚାଦର ଦିଆଯାଇଥିଲା। ତେବେ ରୁଟିନ୍ ଯାଞ୍ଚ ବେଳେ ପୁଲିସ୍ ଟିମ୍ ଯେତେବେଳେ ସକାଳେ ବ୍ୟାରେକ୍ରେ ପହଞ୍ଚିଥିଲା ସେତେବେଳେ ସେଠାରେ ଅନୁଜ ଚେତାଶୂନ୍ୟ ହୋଇପଡିଥିବା ଦେଖିବାକୁ ମିଳିଥିଲା। ପରେ ପୁଲିସ ଅଭିଯୁକ୍ତ ଅନୁଜ ଥାପନଙ୍କୁ ଜିଟି ହସ୍ପିଟାଲକୁ ନେଇଥିଲା। ସେଠାରେ ଚିକିତ୍ସା ସମୟରେ ଅଭିଯୁକ୍ତଙ୍କର ମୃତ୍ୟୁ ହୋଇଥିଲା।
କହିରଖୁ ଯେ, ଏପ୍ରିଲ ୧୪ ତାରିଖ ସକାଳୁ ସଲମାନ ଖାନ୍ଙ୍କ ବାନ୍ଦ୍ରା ସଥିତ ଗ୍ୟାଲେକ୍ସି ଆପାର୍ଟମେଣ୍ଟ ଉପରକୁ ଦୁଇ ଜଣ ବ୍ୟକ୍ତି ବାଇକ୍ରେ ଆସି ଗୁଳିମାଡ କରିଥିଲେ। ଏହାପରେ ସେଠାରୁ ଫେରାର ହୋଇଯାଇଥିଲେ। ପରେ ପୁଲିସ ଏପ୍ରିଲ ୧୬ ତାରିଖଣେ ଗୁପ୍ତା ଓ ପାଲକୁ ଗୁଜରାଟର ଭୁଜ୍ରୁ ଗିରଫ କରିଥିଲା। ଗୁପ୍ତା ବାଇକ୍ ଚଳାଉଥିବା ବେଳେ ପାଲ ସଲମାନଙ୍କ ଘର ଉପରକୁ ଗୁଳିମାଡ କରିଥିବା ପୁଲିସ କହିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
