ଭୟ କରୁଛନ୍ତି ସାହିଦ

ମୁମ୍ବାଇ:ବଲିଉଡର ଚକୋଲେଟ୍ ହିରୋ ସାହିଦ କପୁର । ତାଙ୍କ ଆକ୍ଟିଂ, ଡ୍ୟାନ୍ସ ଓ ଆକ୍ସନ ସମସ୍ତଙ୍କୁ କରେ ଘାଇଲା । ପିଲ୍ମ ଏବଂ ଅସଲ ଜୀବନରେ ବିନ୍ଦାସ ରହୁଥିବା ସହିଦ ଏବେ କିନ୍ତୁ ଭୟ କରୁଛନ୍ତି । ତେବେ ତାଙ୍କ ଭୟ କରିବାର କାରଣ କୌଣସି ଭୂତ କିମ୍ବା ପ୍ରେତ ନୁହେଁ, ତାଙ୍କ ଭୟର କାରଣ ହେଉଛି ଓଟିଟି ।

‘ଓଟିଟି’ ମଞ୍ଚରେ ଖୁବଶୀଘ୍ର ଡେବ୍ୟୁ କରିବାକୁ ଯାଉଛନ୍ତି ସାହିଦ । ତେବେ ଏହା ପୂର୍ବରୁ ଏହି ଅଭିନେତା ଜଣକ ଟିକେ ଭୟଭିତ ହୋଇପଡିଛନ୍ତି । ସେ କହିଛନ୍ତି, ଫିଲ୍ମରେ ତାଙ୍କୁ ଯେଉଁଭଳି ସଫଳତା ମିଳିଛି ଓଟିଟି ମଂଚରେ ସେହିଭଳି ମିଳିବ ବୋଲି କିଛି ଗ୍ୟାରେଣ୍ଟି ନାହିଁ । ଏଥିପାଇଁ ଡିଜିଟାଲ ଦୁନିଆରେ ଡେବ୍ୟୁ କରିବାକୁ ନେଇ ସେ ଟିକେ ନର୍ଭସ ହେଉଛନ୍ତି । ତାଙ୍କୁ ବାସ୍ତବରେ ଲାଗୁଛି ଯେ, ଯେଉଁ ଅଭିନେତାମାନଙ୍କୁ ବଡ ପରଦାରେ ସଫଳତା ମିଳିଛି, କ’ଣ ଡିଜିଟାଲ ଦୁନିଆରେ ସେହିଭଳି ସଫଳତା ମିଳିପାରିବ କି?’

୨୦୧୯ରେ ରିଲିଜ ହୋଇଥିବା ଫିଲ୍ମ ‘କବିର ସିଂହ’ର ଦୁଇ ବର୍ଷ ପୂର୍ତ୍ତି ଅବସରରେ ପ୍ରଶଂସକଙ୍କ ସହ କଥାବାର୍ତ୍ତା କରିବା ପାଇଁ ଲାଇଭ୍ ଆସିଥିଲେ ସାହିଦ । ଏହି ସମୟରେ ସେ ଏଭଳି ପ୍ରଶ୍ନ କରିଛନ୍ତି ।

‘ଜବ୍ ୱି ମେଟ୍‌’, ‘କମିନେ’, ‘ହେଦର’ ଏବଂ ‘କବିର ସିଂହ’ ଭଳି ଫିଲ୍ମରେ କରିଥିବା ଅଭିନେତା ରାଜ ନିଦିମୋରୁ ଓ କୃଷ୍ଣା ଡିକେ ମିଶି ଏକ ୱେବ୍ ସିରିଜ ଆଣୁଛନ୍ତି । ଏହି ୱେବ୍ ସିରିଜ୍‌ରେ ସାହିଦ ନଜର ଆସିବେ । ତେବେ ବର୍ତ୍ତମାନ ଯାଏ ଏହାର ଟାଇଟଲ ରଖାଯାଇ ନାହିଁ ।