ମୁମ୍ବାଇ: ବଲିଉଡର ବେବୋ ଓରଫ୍ କରୀନାଙ୍କ ପ୍ରେମରେ ପାଗଳ ସ୍ୱାମୀ ସୈଫ ଅଲ୍ଲି ଖାନ୍। ସୈଫଙ୍କ ବେଗମ୍ ହୋଇ କରୀନାଙ୍କ ବି ବେଶ୍ ଖୁସି। ଉଭୟଙ୍କ ବିବାହ ୧୦ ବର୍ଷରେ ପାଦ ଦେଇଥିବା ବେଳେ ଏବେବି ଉଭୟ ବଲିଉଡର ପାୱାର କପଲ ଭାବେ ଜଣାଶୁଣା ।
କରୀନା ବଲିଉଡର ଟପ୍ରେ ଥିବା ବେଳେ ୨ ପିଲାଙ୍କ ବାପା ସୈଫଙ୍କୁ ଦିଲ୍ ଦେଇ ବସିଥିଲେ। ୪ ବର୍ଷର ଡେଟିଂ ପରେ ଦୁହେଁ ୨୦୧୨ ମସିହାରେ ବିବାହ କରିଥିଲେ । କିନ୍ତୁ କରୀନା ପୂର୍ବରୁ ଦୁଇଥର ସୈଫଙ୍କ ବିବାହ ପ୍ରସ୍ତାବ ପ୍ରତ୍ୟାଖାନ କରିଥିଲେ। ଏ ସମ୍ପର୍କରେ ଖୋଦ କରୀନା ଏକ ସାକ୍ଷାତକାରରେ କହିଛନ୍ତି। ଏନେଇ ସେ କହିଛନ୍ତି, ସୈଫ ପୂର୍ବରୁ ମୋତେ ୨ ଥର କିମ୍ବା ତା’ଠୁ ଅଧିକ ଥର ବିବାହ ପ୍ରସ୍ତାବ ଦେଇଥିଲେ। ହେଲେ ମୁଁ ମନା କରି ଦେଇଥିଲି। କିନ୍ତୁ ପରେ ହଁ କରିଥିଲି।
[caption id="attachment_756993" align="aligncenter" width="650"]
ସୈଫଙ୍କ ପ୍ରସ୍ତାବକୁ ନା କହିବା ପଛର କାରଣ କହିଛନ୍ତି କରୀନା ।ଏ ନେଇ ସେ କହିଛନ୍ତି, 'ମୁଁ ମଧ୍ୟ ତାଙ୍କୁ ଭଲ ପାଉଥିଲି, କିନ୍ତୁ ସେତେବେଳେ ବୋଧହୁଏ ମୁଁ ଏତେ ଶୀଘ୍ର ବିବାହ କରିବାକୁ ଚାହୁଁ ନ ଥିଲି। ବିବାହ ପୂର୍ବରୁ ଆମେ ପରସ୍ପରକୁ ଅଧିକ ଜାଣିବାକୁ ଚାହୁଁଥିଲୁ। କିନ୍ତୁ ମୁଁ ନିଶ୍ଚିତ ଥିଲି, ଦିନେ ସୈଫଙ୍କର ହିଁ ବେଗମ ହେବି ।
୨ ପୁଅ ତୈମୁର ଓ ଜେହଙ୍କୁ ନେଇ ହାପି ଫ୍ୟାମିଲି ଲାଇଫ୍ ଏନଜୟ କରୁଛନ୍ତି ସୈଫିନା । ଏଥିସହ ପ୍ରଫେସନାଲ ଲାଇଫ୍ରେ ବି ବେଶ୍ ଆକ୍ଟିଭ ଅଛନ୍ତି ଦୁହେଁ।