ଲଣ୍ଡନରେ ଜଣେ ଭାରତୀୟ ବଂଶୋଦ୍ଭବ ଯୁବକଙ୍କୁ ଛୁରୀ ଭୁଷି ହତ୍ୟା କରାଯାଇଛି। ତାଙ୍କ ନାଁ ଅରବିନ୍ଦ ଶଶିକୁମାର (୩୮)।
ଗତ ଶୁକ୍ରବାର ଏହି ଘଟଣା ଘଟିଛି। ସେଠାକାର ସମୟ ଅନୁସାରେ ଶୁକ୍ରବାର ଦିନ ସାଢ଼େ ଗୋଟାଏ ବେଳେ ଏହି ହତ୍ୟାକାଣ୍ଡ ଘଟିଥିଲା। ଲଣ୍ଡନର କ୍ୟାମ୍ବରୱେଲର ସାଉଥହାମ୍ପଟନ ମାର୍ଗ ସ୍ଥିତ ଏକ ଘରେ ଅରବିନ୍ଦ ଶଶିକୁମାରଙ୍କ ମୃତଦେହ ପଡ଼ିଥିଲା। ତାଙ୍କ ଦେହରେ ଛୁରୀର ଆଘାତ ଥିଲା। ଶବ ବ୍ୟବଚ୍ଛେଦ ପରେ ମଧ୍ୟ ଏହା ସ୍ପଷ୍ଟ ହୋଇଯାଇଥିଲା ଯେ ତାଙ୍କୁ ଛରୀରେ ଆକ୍ରମଣ କରାଯାଇଥିଲା। ଛାତିରେ ଛୁରୀ ଭୁଷି ଦିଆଯାଇଥିବାରୁ ତାଙ୍କର ମୃତ୍ୟୁ ଘଟିଥିଲା।
ଅରବିନ୍ଦଙ୍କୁ ହତ୍ୟା କରିବା ଅଭିଯୋଗରେ ଶନିବାର ସଲମାନ ସଲିମ ନାମକ ଜଣେ ୨୫ ବର୍ଷୀୟ ଯୁବକଙ୍କୁ ପୁଲିସ୍ ଗିରଫ କରିଛି। ତାଙ୍କୁ କୋର୍ଟରେ ହାଜର କରି ପୁଲିସ୍ ପଚରାଉଚରା କରିବା ପାଇଁ ଜୁନ୍ ୨୦ ତାରିଖ ପର୍ଯ୍ୟନ୍ତ ରିମାଣ୍ଡରେ ନେଇଛି।
Also Read
ଏହି ଘଟଣାର ଦୁଇ ଦିନ ପୂର୍ବରୁ ଅର୍ଥାତ୍ ଜୁନ୍ ୧୩ ତାରିଖରେ ଉତ୍ତର ଲଣ୍ଡନର ବେମ୍ବଲୀର ନୀଲ୍ଡ କ୍ରିସେଣ୍ଟରେ ଜଣେ ଭାରତୀୟ ଯୁବତୀଙ୍କୁ ଛୁରୀ ଭୁଷି ହତ୍ୟା କରାଯାଇଥିଲା। ତାଙ୍କ ନାଁ କେ ତେଜସ୍ୱିନୀ (୨୮)। ତାଙ୍କ ଘର ହାଇଦ୍ରାବାଦରେ। ତାଙ୍କୁ ହତ୍ୟା ଘଟଣାରେ ପୁଲିସ ୨ ଜଣଙ୍କୁ ଗିରଫ କରିଛି। ସେହିଦିନ ଜଣେ ବ୍ରିଟିଶ-ଭାରତୀୟ ଯୁବତୀ ଗ୍ରେସ ଓ’ମାଲୀ କୁମାର (୧୯)ଙ୍କୁ ଛୁରୀ ଭୁଷି ହତ୍ୟା କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
