ଜୁଏଲାରୀ ଶୋ’ ରୁମ୍‌ରେ ଫାଟିଲା ଏସି, ୩ ଗୁରୁତର

କର୍ଣ୍ଣାଟକା ବେଲାରିସ୍ଥିତ କଲ୍ୟାଣ ଜୁଏଲର୍ସ ଶୋ’ ରୁମ୍‌ରେ ଘଟିଛି ଅଘଟଣ। ଶୋ’ ରୁମ୍‌ରେ ଥିବା ଏକ ଏସି ଫାଟିବାରୁ ୩ ଜଣ ଗୁରୁତର ହୋଇଛନ୍ତି। ଗତକାଲି ସନ୍ଧ୍ୟାରେ ଏହି ଅଘଟଣ ଘଟିଛି।

କଲ୍ୟାଣ ଜୁଏଲର୍ସ ଶୋ’ ରୁମ୍‌ରେ ଥିବା ଏସି ମଧ୍ୟରୁ ଗୋଟିଏ ଏସିରେ ହଠାତ୍‌ ବ୍ଲାଷ୍ଟ ହୋଇଥିଲା। ଫଳରେ ସମଗ୍ର ଶୋ’ ରୁମ୍‌ ଧୂଆଁମୟ ହୋଇ ଯାଇଥିଲା। ଏହି ଅଘଟଣରେ ୩ ଜଣ ଗୁରୁତର ଆହତ ହୋଇଥିବା ବେଳେ ତୁରନ୍ତ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।

ଏସି ବ୍ଲାଷ୍ଟ ଯୋଗୁ ଶୋ’ ରୁମ୍‌ର ଝରକା କାଚ ଫାଟି ଚାରିଆଡ଼େ ପଡ଼ିଥିବା ଭିଡିଓରେ ଦେଖିବାକୁ ମିଳୁଛି। ଏହାପରେ ଗୁରୁତରମାନଙ୍କୁ ତୁରନ୍ତ ହସ୍ପିଟାଲ ପଠାଯାଇଛି।

ଖବର ପାଇ ପୁଲିସ୍‌ ଓ ଅଗ୍ନିଶମ କମ୍ମଚାରୀ ଘଟଣାସ୍ଥଳରେ ପହଞ୍ଚି ସ୍ଥିତିକ ନିୟନ୍ତ୍ରଣକୁ ଆଣିଥିଲେ। ଏହାପରେ ପୁଲିସ୍‌ ଏହି ଘଟଣାର ତଦନ୍ତ ଆରମ୍ଭ କରିଛି।