OR 
ଜମ୍ମୁ ଓ କାଶ୍ମୀର ପୁଂଚରେ ସୁରକ୍ଷା କର୍ମୀଙ୍କୁ ଟାର୍ଗେଟ କରି ବଡ ଧରଣର ଆକ୍ରମଣ ପାଇଁ ଯୋଜନା ହୋଇଥିଲା। ଏଥିପାଇଁ ଘଟଣାସ୍ଥଳରେ ଅତ୍ୟାଧୁନିକ ଗୁଳି ମହଜୁଦ ରଖାଯାଇଥିଲା । ଆକ୍ରମଣ ପାଇଁ ପୂରା ପ୍ରସ୍ତୁତ ରହିଥିଲେ ଆତଙ୍କବାଦୀ । ଏନେଇ ଘଟଣାସ୍ଥଳରେ ତନାଘନା ପରେ ଜାଣିପାରିଛି ପୁଲିସ, ସେନା ଓ ଗୁଇନ୍ଦା ବିଭାଗର ମିଳିତ ଟିମ୍। ସେନା ଗାଡ଼ିକୁ ଘେରି ଯାଇ ଆତଙ୍କିମାନେ ଏକେ-୪୭ ବନ୍ଧୁକରୁ ପ୍ରାୟ ୩୬ ରାଉଣ୍ଡ ଗୁଳି ବର୍ଷା କରିଥିଲେ। ଏଥିସହ ଚାଇନ୍ ପ୍ରସ୍ତୁତ ଦୁଇଟି ଗ୍ରେନେଡ୍ ଓ ଗୋଟିଏ ଏଲ୍ଡି ବୋମା ମାଡ଼ କରିଥିଲେ।
ସୂଚନା ଥାଉକି, ଜମ୍ମୁ ଓ କାଶ୍ମୀରର ପୁଂଚରେ ଆତଙ୍କବାଦୀ ଆକ୍ରମଣରେ ଟ୍ରକ୍ ଜଳିଯିବାରୁ ୫ଜଣ ଯବାନ ସହିଦ ହୋଇଥିଲେ। ସେମାନଙ୍କ ଭିତରେ ଜଣେ ଓଡ଼ିଶା ଯବାନ ମଧ୍ୟ ଥିଲେ। ଆତଙ୍କବାଦୀଙ୍କ ଏହି ବର୍ବର କାଣ୍ଡର ଜମ୍ମୁ ଓ କାଶ୍ମୀର ପୁଲିସ, ସେନା ଓ ଏନଆଏ ପକ୍ଷରୁ ତଦନ୍ତ ଚାଲିଛି । ଘଟଣାସ୍ଥଳରେ ଛାନଭିନ୍ ବେଳେ ଆତଙ୍କବାଦୀମାନେ ବ୍ୟବହାର କରିଥିବା ବିଭିନ୍ନ ସାମଗ୍ରୀ ଜବତ କରାଯାଇଛି । ଘଟଣାସ୍ଥଳରେ ୩ରୁ ୪ଜଣ ଆତଙ୍କବାଦୀ ଥିବା ସନ୍ଦେହ କରାଯାଉଛି।
Also Read
ଆତଙ୍କବାଦୀମାନଙ୍କୁ ଧରିବା ପାଇଁ ବଡ ଧରଣର ଅପରେସନ ଚାଲିଛି । ବର୍ତ୍ତମାନ ସୁଦ୍ଧା ୧୪ ଜଣଙ୍କୁ ଅଟକ ରଖି ପଚରାଉଚରା କରାଯାଉଛି ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
