ଛତିଶଗଡର ରାୟପୁର ରେଲୱେ ଷ୍ଟେସନରେ ଏକ ଅଭାବନୀୟ ଘଟଣା ଘଟିଯାଇଛି। ଭୁଲ୍ ବଶତଃ ଗୁଳି ଫୁଟି ଜଣେ ରେଲୱେ ପ୍ରୋଟେକ୍ସନ ସ୍ପେଶାଲ ଫୋର୍ସ (RPSF) ଯବାନଙ୍କ ମୃତ୍ୟୁ ଘଟିଛି। ଏଥିସହ ଜଣେ ଯାତ୍ରୀ ମଧ୍ୟ ଆହତ ହୋଇଛନ୍ତି।
ଆଜି ସକାଳ ପ୍ରାୟ 6ଟା ସମୟରେ ଏହି ଅଘଟଣ ଘଟିଛି। RPSFର କନଷ୍ଟେବଳ ଦିନେଶ ଚନ୍ଦ୍ର (30) ଏସ୍-2 ବଗିରୁ ଓହ୍ଲାଉଥିଲେ। ଏହି ସମୟରେ ତାଙ୍କ ପକେଟରେ ଥିବା ସର୍ଭିସ୍ ବନ୍ଧୁକରୁ ଅଚାନକ ଗୁଳି ଫୁଟିଥିଲା। ଗୋଟିଏ ଗୁଳି ଦିନେଶଙ୍କ ଛାତିରେ ବାଜିଥିଲା।
Also Read
ଏଥିରେ ତାଙ୍କ ପାଖରେ ଥିବା ଜଣେ ଯାତ୍ରୀ ମହମ୍ମଦ ଦନିଶ ମଧ୍ୟ ଆହତ ହୋଇଥିଲେ। ଉଭୟଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା। କିନ୍ତୁ ସେଠାରେ ଦିନେଶ ଚନ୍ଦ୍ରଙ୍କର ମୃତ୍ୟୁ ଘଟିଛି।
ରିପୋର୍ଟ ଅନୁସାରେ, ଦିନେଶଙ୍କ ଘର ରାଜସ୍ଥାନରେ। ସେ ରାୟପୁର ରେଲୱେ ଷ୍ଟୋସନରେ ପୋଷ୍ଟ ହୋଇଥିଲେ। ପୁଲିସ ଘଟଣାର ଅଧିକ ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
