୩ ବର୍ଷ ହେବ କ'ଣ କରୁଥିଲେ ରାଜ୍ୟପାଳ? ତାମିଲନାଡୁ ରାଜ୍ୟପାଳ ଆର୍.ଏନ୍ ରବିଙ୍କୁ ଏଭଳି କିଛି ପ୍ରଶ୍ନ କରିଛନ୍ତି ସୁପ୍ରିମକୋର୍ଟ। ବିଲ୍ ଅନୁମୋଦନ କରିବାରେ ବିଳମ୍ବ ବିରୋଧରେ ତାମିଲନାଡୁ ସରକାରଙ୍କ ଆବେଦନ ଉପରେ ସୁପ୍ରିମକୋର୍ଟରେ ଆଜି ଶୁଣାଣି ହୋଇଛି। ଏହି ବିଲ୍ ୨୦୨୦ରୁ ବିଚାରାଧୀନ ଅଛି। ରାଜ୍ୟପାଳ ତିନି ବର୍ଷ ଧରି କ’ଣ କରୁଥିଲେ ବୋଲି ସର୍ବୋଚ୍ଚ ଅଦାଲତ ପ୍ରଶ୍ନ କରିଛନ୍ତି।
ବିଧାନସଭାରେ ପାରିତ ହୋଇଥିବା ବିଲକୁ ଅନୁମୋଦନ ନ ଦେବା ନେଇ ସୁପ୍ରିମକୋର୍ଟ ତାମିଲନାଡୁ ରାଜ୍ୟପାଳଙ୍କ କାର୍ଯ୍ୟାଳୟକୁ ନୋଟିସ ଜାରି କରିଛନ୍ତି। ପ୍ରଧାନ ବିଚାରପତି ଡିଓ୍ୱାଇ ଚନ୍ଦ୍ରଚୂଡଙ୍କର ବେଞ୍ଚ ଆଟର୍ନି ଜେନେରାଲ ଏବଂ ସୋଲିସିଟର ଜେନେରାଲଙ୍କୁ ପରବର୍ତ୍ତୀ ଶୁଣାଣି ସମୟରେ ତଥ୍ୟ ସହିତ କୋର୍ଟରେ ହାଜର ହେବାକୁ କହିଛନ୍ତି। ଡିସେମ୍ବର ୧ ତାରିଖରେ ଏହି ମାମଲାର ପରବର୍ତ୍ତୀ ଶୁଣାଣି ହେବ।
ତାମିଲନାଡୁ ସରକାରଙ୍କ ଦ୍ୱାରା ରାଜ୍ୟପାଳ ଅର୍ଏନ୍ ରବିଙ୍କୁ ବିଧାନସଭା ପାରିତ ହୋଇଥିବା ବିଲ ଉପରେ କୌଣସି ପଦକ୍ଷେପ ନ ନେଇ ସରକାରଙ୍କ ଦ୍ୱାରା ପାରିତ ହୋଇଥିବା ଗୁରୁତ୍ୱପୂର୍ଣ୍ଣ ବିଲକୁ ଦମନ କରିବାକୁ ବସିଥିବା ଆବେଦନରେ ଅଭିଯୋଗ କରିଛନ୍ତି। ବିଲକୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବିଚାରାଧୀନ ରଖିବାରେ ରାଜ୍ୟପାଳଙ୍କ ଆଚରଣ ସ୍ପଷ୍ଟ ଭାବରେ ମନମୁଖୀ ବୋଲି ଜଣାପଡିଛି। ଏହା ସମ୍ବିଧାନର ଧାରା ୧୪ (ସମାନତା ଅଧିକାର)କୁ ଉଲ୍ଲଂଘନ କରୁଛି ବୋଲି କେରଳ ସରକାର କରିଥିବା ନିଜ ଆବେଦନରେ କହିଛନ୍ତି। ବିଧାନସଭା ଦ୍ୱାରା ରାଜ୍ୟବାସୀଙ୍କ ପାଇଁ କଲ୍ୟାଣମୂଳକ ବିଲ ପାରିତ ହୋଇଛି। ଏହି ବିଲ ଉପରେ ରାଜ୍ୟପାଳ କୌଣସି ପଦକ୍ଷେପ ନ ନେଇ ଲୋକଙ୍କୁ ସେମାନଙ୍କର ଅଧିକାରରୁ ବଞ୍ଚିତ କରୁଛନ୍ତି। ରାଜ୍ୟପାଳ ରାଜ୍ୟ ସରକାରଙ୍କର ରାଜନୈତିକ ପ୍ରତିଦ୍ୱନ୍ଦ୍ୱୀ ଭଳି ଆଚରଣ କରୁଛନ୍ତି ବୋଲି ତାମିଲନାଡୁ ସରକାର ସେଥିରେ ଅଭିଯୋଗ କରିଥିଲେ। ବୋଲି ରାଜ୍ୟ ସରକାର ଅଭିଯୋଗ ଆଣିଛନ୍ତି।
ଏହାର ଶୁଣାଣି କରି ୨୦୨୦ରୁ ଏହି ବିଲ୍ ସବୁ ପଡ଼ି ରହିଥିଲା। ୩ ବର୍ଷ ହେବ ସେ କ’ଣ କରୁଥିଲେ ବୋଲି ସୁପ୍ରିମ୍ କୋର୍ଟ ପଚାରିଛନ୍ତି। ସୁପ୍ରିମ୍ କୋର୍ଟ ଆହୁରି ମଧ୍ୟ କହିଛନ୍ତି, ରାଜ୍ୟ ସରକାର ଉକ୍ତ ବିଲ୍ ଗୁଡ଼ିକୁ ପୁଣି ଥରେ ଗୃହୀତ କରି ରାଜ୍ୟପାଳଙ୍କ ନିକଟକୁ ପଠାଇଛନ୍ତି। ଦେଖିବା ରାଜ୍ୟପାଳ କ’ଣ କରୁଛନ୍ତି। ପୁନଃଗୃହୀତ ବିଲ୍ ବା ଚିଠା ମନି ବିଲ୍ ସଙ୍ଗେ ସମାନ ବୋଲି କୋର୍ଟ କହିଛନ୍ତି।
ଉଲ୍ଲେଖଯୋଗ୍ୟ, ତାମିଲନାଡୁର ରାଜ୍ୟପାଳ ୧୦ଟି ବିଲ୍ ଫେରାଇ ଦେବାରୁ ରାଜ୍ୟ ସରକାର ବିଶେଷ ବିଧାନସଭା ଅଧିବେଶନ ଡକାଇ ଉକ୍ତ ବିଲଗୁଡ଼ିକୁ ପୁଣି ଥରେ ଗୃହୀତ କରାଇ ରାଜ୍ୟପାଳଙ୍କ ନିକଟକୁ ପଠାଇଛନ୍ତି। ଏହା ପୂର୍ବରୁ ରାଜ୍ୟ ସରକାର ରାଜ୍ୟପାଳ ‘ବିଲ୍’ ଅନୁମୋଦନ କରିବାରେ ଅଯଥା ବିଳମ୍ବ କରୁଥିବା ଦର୍ଶାଇ ସୁପ୍ରିମ୍ କୋର୍ଟରେ ଆବେଦନ କରିଥିଲେ।
ରିପୋର୍ଟ ମୁତାବକ, ରାଜ୍ୟପାଳ ଫେରାଇ ଦେଇଥିବା ବିଲ୍ ସବୁ ଆଇନ, କୃଷି ଓ ଉଚ୍ଚଶିକ୍ଷା ଆଦି ବିଭିନ୍ନ ବିଭାଗର ବୋଲି ଜଣାପଡିଛି।