OR 
କୋରାପୁଟ ଜିଲ୍ଲା ମାଛକୁଣ୍ଡ ଥାନା ପିପିଲପୁଟରେ ଶୁକ୍ରବାର ପୋଖରୀରେ ବୁଡ଼ି ଦୁଇ ଭାଇଭଉଣୀଙ୍କ ମୃତ୍ୟୁ ଘଟିଛି। ମୃତକ ଦ୍ୱୟ ହେଉଛନ୍ତି ଗାଁର ଜୀନୁ ବଡ଼ନାୟକଙ୍କ ପୁଅ ଯୋଗେଶ (୫) ଓ ସନ୍ତୋଷୀ (୧୦)।
ଜୀନୁ ଗାଁ ପାଖ ତାଙ୍କ ଜମିରେ କାମ କରୁଥିଲେ। ତାଙ୍କ ସହିତ ଯୋଗେଶ ଓ ସନ୍ତୋଷୀ ବି ଥିଲେ। ଭାଇଭଉଣୀ ଜମିରେ ଖେଳୁଥିଲେ। ଖେଳାଖେଳି କରୁ କରୁ ଦୁହେଁ ପାଖରେ ଥିବା ଏକ ପୋଖରୀ ନିକଟକୁ ଚାଲି ଯାଇଥିଲେ।
Also Read
ଛୁଆ ଦୁହିଁଙ୍କୁ ବେଶ୍ କିଛି ସମୟ ଧରି ପାଖରେ ନ ଦେଖିବାରୁ ଜୀନୁ ସେମାନଙ୍କୁ ଖୋଜାଖୋଜି କରିଥିଲେ। ହେଲେ ପାଇ ନଥିଲେ। ସେହି ସମୟରେ ସ୍ଥାନୀୟ କିଛି ଲୋକ ଯୋଗେଶ ଓ ସନ୍ତୋଷୀ ପୋଖରୀରେ ଭାସୁଥିବା ଦେଖିବାକୁ ପାଇଥିଲେ।
ଏହି ଘଟଣା ପରେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
