ବିଧାନସଭା ସଚିବଙ୍କ କାର୍ଯ୍ୟକାଳ ପୁଣି ବର୍ଷେ ବଢ଼ିଲା

ରାଜ୍ୟରେ ଯୋଗ୍ୟ ଅଫିସରଙ୍କ ମରୁଡ଼ି ଦେଖାଦେଇଛି । ରାଜ୍ୟ ସରକାର ଆଜି ଅବସରପ୍ରାପ୍ତ ଆଇଏଏସ୍ (ପଦୋନ୍ନତିପ୍ରାପ୍ତ) ଦାଶରଥୀ ଶତପଥୀଙ୍କ କାର୍ଯ୍ୟକାଳକୁ ପୁଣିଥରେ ଏକ ବର୍ଷ ପାଇଁ ବୃଦ୍ଧି କରିବା ପରେ ରାଜ୍ୟରେ ଯୋଗ୍ୟ ଅଫିସରଙ୍କ ଅଭାବ ରହିଥିବା ଚର୍ଚ୍ଚା ଜୋର ଧରିଛି ।

ଆଜି ସାଧାରଣ ପ୍ରଶାସନ ବିଭାଗ ପକ୍ଷରୁ ଜାରି ବିଜ୍ଞପ୍ତି ଅନୁସାରେ, ଅବସରପ୍ରାପ୍ତ ଆଇଏଏସ୍ ଦାଶରଥୀ ଶତପଥୀଙ୍କୁ ପୁଣିଥରେ ଓଡ଼ିଶା ବିଧାନସଭାର ଓଏସଡି ତଥା ସଚିବ ଭାବେ ନିଯୁକ୍ତି ପାଇଛନ୍ତି । ସେ ୨୦୨୩ ଫେବୃୟାରୀ ୧ରୁ ଏକବର୍ଷ ପାଇଁ କାର୍ଯ୍ୟ କରିବେ । ସେ ସ୍ୱତନ୍ତ୍ର ସଚିବ ପାହ୍ୟା ଅଫିସର ଭାବେ ସୁବିଧାସୁଯୋଗ ପାଇବେ ।

ସୂଚନାଯୋଗ୍ୟ, ଶ୍ରୀ ଶତପଥୀ ଅବସର ନେବାପରେ ପୁଣିଥରେ ତାଙ୍କୁ ବର୍ଷକ ପାଇଁ ସଚିବ ତଥା ଓଏସଡି ଭାବେ ନିଯୁକ୍ତି ମିଳିଥିଲା ।