ରାଉରକେଲା: ସ୍ପଞ୍ଜ ଆଇରନ୍ କାରଖାନାରେ ବିସ୍ଫୋରଣ, ୩ ଶ୍ରମିକ ଗୁରୁତର

ରାଉରକେଲା: ରାଉରକେଲା କଲୁଙ୍ଗାରେ ଥିବା ମହାବୀର ଫେରୋ ଆଲଏଜ୍‌ ସ୍ପଞ୍ଜ ଆଇରନ୍ କାରଖାନାରେ ଆଜି ବିସ୍ଫୋରଣ ଘଟି ୩ ଜଣ ଶ୍ରମିକ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ରାଉରକେଲା ଇସ୍ପାତ ଜେନେରାଲ ହସପିଟାଲ(ଆଇ.ଜି.ଏଚ୍‌)ର ଆଇସିୟୁରେ ଭର୍ତ୍ତି କରାଯାଇଛି।  ଆହତମାନେ ହେଲେ ମହେଶ  ଦୁବେ, ସାନିକା ତିର୍କୀ ଏବଂ ଉଇଲିୟମ ଡୁଙ୍ଗଡୁଙ୍ଗ୍ ।

ଶ୍ରମିକମାନେ କାରଖାନାରେ କାମ କରୁଥିବା ବେଳେ ଏହି ଦୁର୍ଘଟଣା ଘଟିଥିଲା। ହାଇ ଭୋଲଟେଜ୍  ଯୋଗୁଁ ବିସ୍ଫୋରଣ ଘଟିଥିବା କୁହାଯାଇଛି। ଏହାକୁ ନେଇ କାରଖାନା ପରିସରରେ ଉତ୍ତେଜନା ଦେଖାଦେଇଛି। ବ୍ରାହ୍ମଣୀ ତରଙ୍ଗ ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।