କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ସାଡ଼ିଙ୍ଗିଆ ପଞ୍ଚାୟତର ଟକ୍ସିପଦର ଜଙ୍ଗଲରେ ବିଏସ୍ଏଫ୍ ଯବାନମାନେ କମ୍ବିଂ କରୁଥିବା ବେଳେ ଏକ IED ଜବତ କରିଥିଲେ। ବିଏସ୍ଏଫ୍ର ଡଗ୍ ସ୍କ୍ୱାଡ୍ ଓ ବୋମା ନିଷ୍କ୍ରିୟକାରୀ ଦଳ ଏହି ବୋମାକୁ ଠାବ କରିଥିଲେ। ପରେ ଏହାକୁ ବେଶ୍ ସତର୍କତାର ସହିତ ନିଷ୍କ୍ରିୟ କରାଯାଇଥିଲା।
ଏଥିରେ ଲାଗିଥିବା ସରଞ୍ଜାମ ମଧ୍ୟରେ ଥିଲା- ଏକ ଷ୍ଟିଲ୍ ଟିଫିନ, ୫୦ ଗ୍ରାମ ଜିଲୋଟିନ୍, ୬ ଭୋଲ୍ଟର ବ୍ୟାଟେରୀ, ଜରି ଟ୍ୟାପ୍ ଓ ୨୦ ମିଟର ବିଦ୍ୟୁତ୍ ତାର।
କମ୍ବିଂ ଅପରେସନରେ ନି୍ରୋଜିତ ବିଏସ୍ଏଫ ଯବାନମାନଙ୍କୁ ଟାର୍ଗେଟ କରି ନକ୍ସଲମାନେ ଏହି IED ଖଞ୍ଜିଥିବା କୁହାଯାଉଛି।
ଫୁଲବାଣୀରୁ ତ୍ରିନାଥ ସାହୁଙ୍କ ରିପୋର୍ଟ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।