'ଆଦିପୁରୁଷ'ରେ ପ୍ରଭୁ ରାମଙ୍କ ଭୂମିକା ନିଭାଇବା ପରେ ଆକ୍ସନ ଅନ୍ଦାଜରେ ପରଦାକୁ ଫେରିଛନ୍ତି 'ରିବେଲ' ଷ୍ଟାର ପ୍ରଭାସ। ଗତକାଲି ପ୍ରଭାସଙ୍କ 'ସାଲାର: ପାର୍ଟ ୱାନ୍- ସିଜଫାୟାର୍' ରିଲିଜ୍ ହୋଇଛି। ଏହି ଫିଲ୍ମ ରିଲିଜ୍ ସହ ଚଳିତ ବର୍ଷ ବହୁ ସୁପରହିଟ୍ ସିନେମାକୁ ପଛରେ ପକାଇ ଦେଇଛି 'ସାଲାର'।
ରିଲିଜର ପ୍ରଥମ ଦିନରେ ସର୍ବାଧିକ ଆୟ କରି ରେକର୍ଡ କରିଛି 'ସାଲାର'। ଚଳିତ ବର୍ଷର ବ୍ଲକ୍ ବଷ୍ଟର ମୁଭି 'ଆନିମଲ', 'ଯବାନ', 'ପଠାନ' ଏବଂ 'ଡଙ୍କି'ର ରେକର୍ଡକୁ ବି ଭାଙ୍ଗି ଦେଇଛି। ପ୍ରଭାସଙ୍କ ଆକ୍ସନ ଅନ୍ଦାଜକୁ ଖୁବ୍ ପ୍ରଶଂସା କରିଛନ୍ତି ଦର୍ଶକ। ଆଡଭାନ୍ସ ବୁକିଂରୁ ମଧ୍ୟ ଏହା ସ୍ପଷ୍ଟ ହେଉଥିଲା ଯେ, ବର୍ଷର ଶେଷରେ ପ୍ରଭାସଙ୍କ 'ସାଲାର' ରେକର୍ଡ ସୃଷ୍ଟି କରିବ।
Also Read
ରିପୋର୍ଟ ଅନୁସାରେ, ଘରୋଇ ବକ୍ସ ଅଫିସରେ ସାଲାର ପ୍ରଥମ ଦିନରେ 95 କୋଟି ଆୟ କରିଛି। ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାରେ ସବୁଠୁ ଅଧିକ ରୋଜଗାର ହୋଇଛି। ଏଠାରେ 70 କୋଟି ଆୟ ହୋଇଥିବା ବେଳେ ଆୟର 88.93 ପ୍ରତିଶତ ତେଲୁଗୁ ଭାଷାଭାଷି ଅଞ୍ଚଳରୁ ହୋଇଛି।
ପ୍ରଶାନ୍ତ ନୀଳ ସିନେମାର ନିର୍ଦ୍ଦେଶନା ଦଇଛନ୍ତି। ମୁଖ୍ୟ ଭୂମିକାରେ ପ୍ରଭାସଙ୍କ ବ୍ୟତୀତ ଶ୍ରୁତି ହାସନ, ପୃଥ୍ୱୀରାଜ ସୁକୁମାରନ୍ ଅଭିନୟ କରିଛନ୍ତି। ତେଲୁଗୁ, ତାମିଲ, ମାଲୟାଲମ, କନ୍ନଡ ଏବଂ ହିନ୍ଦି ଭାଷାରେ ରିଲିଜ୍ ହୋଇଛି 'ସାଲାର'।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
