AP 
ଚାଇନାର ପ୍ରଧାନମନ୍ତ୍ରୀ ଭାବେ ନିଯୁକ୍ତି ପାଇଛନ୍ତି ଲି କିଆଙ୍ଗ। ସେ ହେଉଛନ୍ତି ଚାଇନାର ରାଷ୍ଟ୍ରପତି ସି ଜିନପିଙ୍ଗଙ୍କ ଘନିଷ୍ଠ ସହଯୋଗୀ। କିଆଙ୍ଗକୁ ପ୍ରଧାନମନ୍ତ୍ରୀ ଭାବେ ଜିନପିଙ୍ଗ ହିଁ ଚୟନ କରିଥିଲେ। ଏବେ ସର୍ବସମ୍ମତିକ୍ରମେ ସେ ପ୍ରଧାନମନ୍ତ୍ରୀ ଦାୟିତ୍ୱ ଗ୍ରହଣ କରିଛନ୍ତି।
ବିଶ୍ୱର ସର୍ବବୃହତ୍ତ ଅର୍ଥନୀତି ଭାବେ ପରିଚିତ ଚାଇନା ଏବେ ଚ୍ୟାଲେଞ୍ଜିଂ ସମୟ ଦେଇ ଗତି କରୁଛି। ଏପରି ସ୍ଥିତିରେ ହିଁ କିଆଙ୍ଗକୁ ଦେଶର ପ୍ରଧାନମନ୍ତ୍ରୀ କରାଯାଇଛି।
କିଆଙ୍ଗଙ୍କୁ ଆଜି ସକାଳେ ଚାଇନାର ସଂସଦ ନ୍ୟାଶନାଲ ପିପୁଲ୍ସ କଂଗ୍ରେସରେ ରାଷ୍ଟ୍ରପତି ଜିନପିଙ୍ଗ ପ୍ରଧାନମନ୍ତ୍ରୀ ଭାବେ ମନୋନୀତ କରିଛନ୍ତି। ଦିନକ ତଳେ ୬୯ ବର୍ଷୀୟ ଜିନପିଙ୍ଗ ତୃତୀୟ ଥର ପାଇଁ ରାଷ୍ଟ୍ରପତି ପଦ ସମ୍ଭାଳିଥିବା ବେଳେ ଆଜି କିଆଙ୍ଗ ପ୍ରଧାନମନ୍ତ୍ରୀ ହୋଇଛନ୍ତି।
Also Read
ଜଣେ ବ୍ୟବସାୟୀରୁ ରାଜନେତା ବନିଥିବା କିଆଙ୍ଗ ଚାଇନାର ବ୍ୟବସାୟିକ ଗଡ଼ ଭାବେ ପରିଚିତ ସଙ୍ଘାଇରେ ଶୂନ କୋଭିଡ ନୀତି ବଳପୂର୍ବକ ପ୍ରୟୋଗ କରି ଚର୍ଚ୍ଚାକୁ ଆସିଥିଲେ।
ସେଠାକାର ଲୋକମାନେ କୋଭିଡ କଟକଣା ଯୋଗୁ ବାରମ୍ବାର ଅଭିଯୋଗ କରିଥିଲେ ମଧ୍ୟ ୬୩ ବର୍ଷୀୟ କିଆଙ୍ଗ କିଛି ଶୁଣି ନଥିଲେ। ତଥାପି ସେ ରାଷ୍ଟ୍ରପତି ଜିନପିଙ୍ଗ ଘନିଷ୍ଠ ଭାବେ ବିଶ୍ୱାସ ଜିତିବାକୁ ସକ୍ଷମ ହୋଇଥିଲେ। ଏହି ଘନିଷ୍ଠତା ଯୋଗୁ କିଆଙ୍ଗ ଆଜି ପ୍ରଧାନମନ୍ତ୍ରୀ ଗାଦିରେ ବସିଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
