ପାଖେଇ ଆସିଲାଣି ୨୦୨୪ ନିର୍ବାଚନୀ ତାରିଖ। ଦିନ ଯେତେ ପାଖଉଛି ପ୍ରଚାର ସେତେ ବଢ଼ୁଛି। ଘନ ଘନ ପ୍ରଚାର କରୁଛନ୍ତି ପ୍ରାର୍ଥୀ। ଭୋଟର୍ଙ୍କୁ ଆକୃଷ୍ଟ କରିବା ପାଇଁ ଆପଣାଉଛନ୍ତି ନୂଆ ନୂଆ ଫଣ୍ଡା। କିଏ କେଉଁ ଢ଼ଙ୍ଗ ଆଉ ରଙ୍ଗରେ କରୁଛନ୍ତି ପ୍ରଚାର। ଏହାରି ଭିତରେ ଜଣେ ପ୍ରାର୍ଥୀ ପ୍ରଚାର ବେଳେ ଯୁବତୀଙ୍କୁ କରିଦେଇଛନ୍ତି କିସ୍। ଏଭଳି କରିବା ଏବେ ତାଙ୍କୁ ମହଙ୍ଗା ପଡିଛି।
ପଶ୍ଚିମବଙ୍ଗର ବିଜେପି ପ୍ରାର୍ଥୀ ଖଗେନ ମୁର୍ମୁ। ସେ ମାଲଦା ଭତ୍ତର ଆସନରୁ ଲୋକସଭା ନିର୍ବାଚନ ଲଢ଼ୁଛନ୍ତି। ତେବେ ନିଜ ନିର୍ବାଚନ ମଣ୍ଡଳି ମାଲଦାର ଚଞ୍ଚଲ ସିହିପୁର ଗାଁରେ ସେ ପ୍ରଚାର କରିବା ବେଳେ ଜଣେ ଯୁବତୀଙ୍କ ଗାଲକୁ ସର୍ବସମ୍ମୁଖରେ କିସ୍ କରିଦେଇଛନ୍ତି। ଯୁବତୀଙ୍କ ବାପା-ମା' ପାଖରେ ଥିଲେ ମଧ୍ୟ ସେ ଏହାକୁ ଖାତିର କରିନାହାନ୍ତି। ଯାହାର ଫଟୋ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।
Also Read
ଫଟୋ ସାମ୍ନାକୁ ଆସିବା ପରେ ଏହାକୁ ନେଇ ବିବାଦ ଘନେଇବାରେ ଲାଗିଛି। ଏହି ଫଟୋକୁ ନେଇ ବିଜେପିକୁ ଟାର୍ଗେଟ୍ କରିଛି ତୃଣମୂଳ କଂଗ୍ରେସ। ଟିଏମସି ଏହାକୁ ବଙ୍ଗୀୟ ସଂସ୍କୃତି ପାଇଁ ଏକ ନିନ୍ଦନୀୟ ଘଟଣା ବୋଲି କହିଛି।
If you cannot believe what you just saw, let us clarify. Yes, this is BJP MP & Maldaha Uttar candidate @khagen_murmu kissing a woman on his own accord on his campaign trail.
— All India Trinamool Congress (@AITCofficial) April 9, 2024
From MPs that sexually harass women wrestlers to leaders who make obscene songs about Bengali women, BJP… pic.twitter.com/f0PKdaDDn5
ମହିଳା କୁସ୍ତିଯୋଦ୍ଧାମାନଙ୍କୁ ଯୌନ ନିର୍ଯାତନା ଦେଉଥିବା ସାଂସଦଙ୍କ ଠାରୁ ଆରମ୍ଭ କରି ବଙ୍ଗୀୟ ମହିଳାଙ୍କ ବିଷୟରେ ଅଶ୍ଳୀଳ ଗୀତ ଗାଇଥିବା ରାଜନେତାଙ୍କ ପର୍ଯ୍ୟନ୍ତ ବିଜେପି ଶିବିରରେ ମହିଳା ବିରୋଧୀ ରାଜନେତାଙ୍କ ପ୍ରିୟତାର ଅଭାବ ନାହିଁ। ଏହିଭଳି ମହିଳାମାନଙ୍କୁ ସମ୍ମାନ ଦେବା ପାଇଁ ମୋଦିଙ୍କ ପରିବାର ଏକତ୍ରିତ ହୋଇଥିଲେ! ସେମାନେ କ୍ଷମତାକୁ ଆସିଲେ କ'ଣ କରିବେ କଳ୍ପନା କରନ୍ତୁ ବୋଲି ପଶ୍ଚିମବଙ୍ଗର ଶାସକ ଦଳ କହିଛି।
ସେପଟେ ନିଜ ଉପରେ ପ୍ରଶ୍ନ ଉଠିଥିବାର ଦେଖି ବିଜେପି ପ୍ରାର୍ଥୀ ଖଗେନ ମୁର୍ମୁ କହିଛନ୍ତି ଯେ ଟିଏମସି ତାଙ୍କ ଫଟୋକୁ ବିକୃତ କରୁଛି। ତାଙ୍କୁ ବଦନାମ କରିବାକୁ ଚେଷ୍ଟା କରୁଛି। ଉକ୍ତ ଯୁବତୀ ଜଣକ ମୋ ଝିଅ ଭଳି। ଆଉ ନିଜ ଝିଅକୁ ସ୍ନେହରେ କିସ୍ କରିବା ଭୁଲ୍ ନୁହେଁ ବୋଲି ଖଗେନ ମୁର୍ମୁ କହିଛନ୍ତି।
ଖବେନ ମୁର୍ମୁ ବର୍ତ୍ତମାନ ପଶ୍ଚିମବଙ୍ଗରୁ ବିଜେପି ସାଂସଦ ଅଛନ୍ତି। ୨୦୧୯ରେ ସେ ବିଜେପି ଟିକେଟ୍ରେ ପ୍ରଥମ ଥର ପାଇଁ ଲୋକସଭା ନିର୍ବାଚନ ଜିତିଥିଲେ। ବିଜେପି ପୁଣି ଥରେ ୬୩ ବର୍ଷିୟ ମୁର୍ମୁଙ୍କୁ ପ୍ରାର୍ଥୀ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
