କଂଗ୍ରେସକୁ ପୁଣି ଝଟ୍କା। ନିର୍ବାଚନ ପୂର୍ବରୁ ନାମାଙ୍କପ ପତ୍ର ଫେରାଇ ଆଣିଲେ ପ୍ରାର୍ଥୀ। ମଧ୍ୟପ୍ରଦେଶର ଇନ୍ଦୋରରେ ଘଟିଲା ଗୁଜରାଟ ସୁରଟ ଘଟଣାର ପୁନରାବୃତ୍ତି। ଇନ୍ଦୋର ଲୋକସଭା ଆସନରୁ କଂଗ୍ରେସର ପ୍ରାର୍ଥୀ ଥିବା ଅକ୍ଷୟ କାନ୍ତୀ ବମ୍ ନିଜ ନାମାଙ୍କନ ପତ୍ର ଫେରାଇ ଆଣିଛନ୍ତି। କେବଳ ସେତିକି ନୁହେଁ ସେ କଂଗ୍ରେସ ଛାଡି ବିଜେପିରେ ସାମିଲ ହୋଇଛନ୍ତି। ବିଜେପିର ବରିଷ୍ଠ ନେତା ଓ ମଧ୍ୟପ୍ରଦେଶ ସରକାରର କ୍ୟାବିନେଟ ମନ୍ତ୍ରୀ କୈଳାଶ ବିଜୟବର୍ଗିୟ ଏନେଇ ସୂଚନା ଦେଇଛନ୍ତି।
ବିଜେପିରେ ସାମିଲ ହୋଇଥିବା କଂଗ୍ରେସ ପ୍ରାର୍ଥୀଙ୍କ ସହ ସେଲ୍ଫି ନେଉଛନ୍ତି ମନ୍ତ୍ରୀ କୈଳାଶ ବିଜୟବର୍ଗିୟ।Also Read
ଅକ୍ଷୟ ବାମଙ୍କ ସହ ସେଲଫି ସେୟାର କରି କୈଳାଶ ବିଜୟବର୍ଗିଆ ସୋଶାଲ ମିଡିଆ ପ୍ଲାଟଫର୍ମରେ ଲେଖିଛନ୍ତି, ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ମୁଖ୍ୟମନ୍ତ୍ରୀ ମୋହନ ଯାଦବଙ୍କ ନେତୃତ୍ୱରେ ଇନ୍ଦୋର କଂଗ୍ରେସ ଲୋକସଭା ପ୍ରାର୍ଥୀ ଅକ୍ଷୟ କାନ୍ତୀ ବିଜେପି ସାମିଲ ହୋଇଛନ୍ତି। ତାଙ୍କୁ ଦଳକୁ ସ୍ୱାଗତ କରାଯାଇଛି।
ଇନ୍ଦୋର ଲୋକସଭା ଆସନରେ ନିର୍ବାଚନ ପାଇଁ ମେ' ୨୫ ତାରିଖରେ ଅକ୍ଷୟ କାନ୍ତୀ ନାମାଙ୍କନ କରିଥିଲେ। ଏପ୍ରିଲ ୨୯ ନାମାଙ୍କନ ପ୍ରତ୍ୟାହାର କରିବାର ଶେଷ ତାରିଖ ଥିଲା। ଏହା ପୂର୍ବରୁ ସେ ଜିଲ୍ଲାପାଳ ଅଫିସ ଯାଇ ନିଜ ନାମାଙ୍କନ ପ୍ରତ୍ୟାହାର କରିନେଇଛନ୍ତି। ହାତ ଛାଡି ପଦ୍ମ ଧରିଛନ୍ତି।
କହିରଖୁ, ଆସନ୍ତା ମେ' ୧୩ ତାରିଖରେ ଇନ୍ଦୋର୍ରେ ଭୋଟ୍ ପଡିବ। ଗତ ୩୫ ବର୍ଷ ହେଲା ଇନ୍ଦୋର ଲୋକସଭା ଆସନ ଦଖଲ କରିବାକୁ ଅପେକ୍ଷା କରିଥିବା କଂଗ୍ରେସ ଏଥର ନୂଆ ଚେହାରାକୁ ସୁଯୋଗ ଦେଇଥିଲା। ଅକ୍ଷୟ ବମ୍କୁ ଦଳ ଟିକେଟ୍ ଦେଇଥିଲା। ସେ ବିଜେପିର ସାଂସଦ ଶଙ୍କର ଲାଲଓ୍ୱାନୀଙ୍କ ବିରୋଧରେ ନିର୍ବାଚନ ଲଢ଼ିଥାନ୍ତେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
