ଗତକାଲି ଖେଳିବାକୁ ଯାଇ ନିଖୋଜ ଥିଲେ ନାବାଳକ। ଆଜି ଘର ପାଖ କୂଅରୁ ନାବଳକଙ୍କ ମୃତଦେହ ଉଦ୍ଧାର କରାଯାଇଛି। ଏପରି ଘଟଣା ଘଟିଛି ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ପୁବୁସାହିରେ। ମୃତ ନାବାଳଳ ଜଣଙ୍କ ହେଲେ ଦିବ୍ୟଜ୍ୟୋତି ବେହେରା। ଦିବ୍ୟଜ୍ୟୋତି ଷଷ୍ଠ ଶ୍ରେଣୀରେ ପଢ଼ୁଥିଲେ।
Also Read
ଗତକାଲି ଦିବ୍ୟଜ୍ୟୋତି ଗାଁ ନିକଟକୁ ଖେଳିବାକୁ ଯାଇ ଆଉ ଘରକୁ ଫେରି ନଥିଲେ। ଅଧିକ ରାତି ହେବାରୁ ପୁଅ ଘରକୁ ନଫେରିବାରୁ ପରିବାର ଲୋକେ ପୁଅକୁ ଚାରିଆଡ଼େ ଖୋଜାଖୋଜି କରିଥିଲେ। ହେଲେ ପାଇ ନଥିଲେ। ପରେ ପରିବାର ଲୋକେ ଥାନାରେ ଅଭିଯୋଗ କରିଥିଲେ। ଆଜି ସକାଳେ ପୁଅର ମୃତଦେହ ଘର ନିକଟରେ ଥିବା କୂଅରେ ଭାସୁଥିବା ସ୍ଥାନୀୟ ଲୋକେ ଦେଖିଥିଲେ। ଏନେଇ ପରିବାର ଲୋକଙ୍କୁ ଖବର ଦେଇଥିଲେ। ଅଗ୍ନିଶମ କର୍ମଚାରୀ ପହଞ୍ଚି କୂଅରୁ ପୁଅର ମୃତଦେହ ଉଦ୍ଧାର କରିଥିଲେ। ଦିବ୍ୟଜ୍ୟୋତିଙ୍କୁ ହତ୍ୟା କରାଯାଇଛି ନା ସେ କୂଅରେ ପଡ଼ିଯାଇଛନ୍ତି ତାହା ଜଣାପଡ଼ିନାହିଁ। ପୁଲିସ ଘଟଣାର ତଦନ୍ତ କରୁଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
