ବର୍ମିଂହାମ: ପୁଣିଥରେ ରେସଲିଂରେ ଭାରତକୁ ମିଳିଛି ପଦକ। ମହିଳା ୫୦ କେଜି ବର୍ଗରେ ଭାରତଜ ପୂଜା ଗେହଲଟ ବ୍ରୋଞ୍ଜ ପଦକ ଜିତିଛନ୍ତି। ସେ ସେମି ଫାଇନାଲରେ କାନାଡାର ପାର୍କସଙ୍କ ଠାରୁ ହାରି ଯାଇଥିଲେ। କିନ୍ତୁ ବ୍ରୋଞ୍ଜ ପଦକ ଲଢ଼େଇରେ କୌଣସି ଭୁଲ କରି ନାହାନ୍ତି। ଏହି ମ୍ୟାଚ୍ରେ ତାଙ୍କର ମୁକାବିଲି ସ୍କଟଲ୍ୟାଣ୍ଡର ଖ୍ରୀଷ୍ଟିଲ୍ଲେ ଲେମୋଫାକଙ୍କ ସହ ହୋଇଥିଲା।
ମ୍ୟାଚ ଆରମ୍ଭରୁ ଲେମୋଫାକ ଆଟାକିଂ ଖେଳ ପ୍ରଦର୍ଶନ କରିଥିଲେ। ସେ ପୂଜାଙ୍କୁ ମାତ ଦେବାକୁ ଚେଷ୍ଟା କରିଥିଲେ ହେଁ ନିଜ ଜାଲରେ ଫସି ଯାଇଥିଲେ। ପୂଜାଙ୍କ ପଏଣ୍ଟ ପରେ ପଏଣ୍ଟ ହାସଲ କରି ତାଙ୍କ ବ୍ୟାକଫୁଟକୁ ଠେଲି ଦେଇଥିଲେ। ଶେଷରେ ୧୨-୨ ପଏଣ୍ଟରେ ସେ ମ୍ୟାଚ୍ ସହ ବ୍ରୋଞ୍ଜ ପଦକ ଜିତି ନେଇଛନ୍ତି।
୧୦ ପଏଣ୍ଟ ବ୍ୟବଧାନ ଯୋଗୁ ପୂଜାଙ୍କୁ ମ୍ୟାଚ୍ ଅଧାରୁ ହିଁ ବିଜେତା ଘୋଷଣା କରାଯାଇଛି। ପୂଜାଙ୍କର ଏହା ପ୍ରଥମ ରାଜ୍ୟଗୋଷ୍ଠୀ କ୍ରୀଡ଼ା। ସେହିପରି ସେ ଅଣ୍ଡର-୨୩ ଚାମ୍ପିୟନଶିପରେ ଭାରତ ପାଇଁ ରୌପ୍ୟ ପଦକ ଜିତିଥିଲେ।
ଭାରତ ଆଜି କୁସ୍ତିରେ ୩ଟି ସ୍ୱର୍ଣ୍ଣ ଓ ଆଉ ଦୁଇଟି ବ୍ରୋଞ୍ଜ ପଦକ ପାଇଁ ଲଢ଼େଇ କରିବ। ଗତକାଲି ଭାରତର ୬ ଜଣ ରେସଲର ପଦକ ଜିତିଥିଲେ। ଏଥିରେ ୩ଟି ସ୍ୱର୍ଣ୍ଣ, ଗୋଟିଏ ରୌପ୍ୟ ଓ ୨ଟି ବ୍ରୋଞ୍ଜ ପଦକ ରହିଥିଲା। ଆଜି ରବି କୁମାର ଦାହିୟା, ନୀବନ କୁମାର ଓ ଭିନେଶ ଫୋଗଟ ସ୍ୱର୍ଣ୍ଣ ଭାବେ ଲଢ଼ିବେ।
POOJA WINS BRONZE 🥉
U-23 World Championships Silver Medalist and debutant #PoojaGehlot 🤼♀️ (W-50kg) bags 🥉after defeating Scotland's Letchidjo by technical superiority (12-2) 🔥
Amazing Gutwrench by Pooja to take the 8 points lead 👏 Complete dominance 💪#Cheer4India pic.twitter.com/N7Z7CkFZVd
— SAI Media (@Media_SAI) August 6, 2022
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
