OR 
କଲରା ପତରିଆ ବାଘକୁ ଗୁଳି କରି ଶିକାର କରିବା ଅଭିଯୋଗରେ ବନବିଭାଗ ଜଣଙ୍କୁ ଗିରଫ କରିଛି। ଗିରଫ ବ୍ୟକ୍ତିଙ୍କ ଘର ପେଣ୍ଠବାହାଳ ଗାଁରେ ହୋଇଥିବା ବେଳେ ତାଙ୍କ ଠାରୁ ଗୋଟିଏ ଦେଶୀ ବନ୍ଧୁକ ଓ ୩ଟି ଗୁଳି ଜବତ କରାଯାଇଛି।
ରେଢ଼ାଖୋଲ ବନଖଣ୍ଡ ଓ ନାକଟିଦେଉଳ ରେଞ୍ଜ ବନ କର୍ମଚାରୀ ଗତ ୬ ତାରିଖରେ ମିଳିତ ଭାବରେ ଲାଣ୍ଡିମାଳ ସଂରକ୍ଷିତ ଜଙ୍ଗଲରେ ପାଟ୍ରୋଲିଂ କରୁଥିଲେ। ଏହି ସମୟରେ ଭୀମ ମଣ୍ଡଳୀ ରାସ୍ତାରେ ଏକ ୧୦ ବର୍ଷୀୟ ଅଣ୍ଡିରା କଲରା ପତରିଆ ବାଘ ଗୁରୁତର ଆହତ ଅବସ୍ଥାରେ ପଡ଼ିଥିଲା। ଏ ସଂପର୍କରେ ସେମାନେ ବିଭାଗୀୟ ଉଚ୍ଚ ପଦସ୍ଥ ଅଧିକାରୀଙ୍କୁ ଅବଗତ କରାଇଥିଲେ।
Also Read
ରେଢ଼ାଖୋଲ ଡିଏଫଓଙ୍କ ପରାମର୍ଶ କ୍ରମରେ ଭୁବନେଶ୍ୱରରୁ ଓୟୁଏଟିରୁ ଏକ ପ୍ରାଣୀ ଚିକିତ୍ସକ ଟିମ୍ ପହଞ୍ଚି ବାଘର ଚିକିତ୍ସା ଆରମ୍ଭ କରିଥିଲେ। କିନ୍ତୁ ଚିକିତ୍ସାଧୀନ ଅବସ୍ଥାରେ ବାଘଟି ୭ ତାରିଖରେ ମରି ଯାଇଥିଲା। ବାଘର ଶରୀରୁ ୩ ଟିଗୁଳି ବାହାରିଥିବା ବ୍ୟବଚ୍ଛେଦ ରିପୋର୍ଟରୁ ଜଣାପଡ଼ିଛି।
ବାଘକୁ ଗୁଳି କରି ଶିକାର କରିଥିବା କଥାକୁ ଅଭିଯୁକ୍ତ ସ୍ୱୀକାର କରିଥିବା କୁହାଯାଇଛି। ଏହି ଘଟଣାରେ ଅନ୍ୟ ଜଣେ ଶିକାରୀ ସଂପୃକ୍ତ ଥିବା ବେଳେ ସେ ଫେରାର ରହିଛି ଓ ତାକୁ ଖୁବ୍ଶୀଘ୍ର ଧରାଯିବ ବୋଲି ରେଢ଼ାଖୋଲ ଡିଏଫଓ ଅରବିନ୍ଦ ମହାନ୍ତି ସୂଚନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
