OR 
କଳା ପଲସରରେ ଆସି ଦମ୍ପତିଙ୍କଠାରୁ ସୁନାଗହଣା ନେଇ ଚମ୍ପଟ ମାରିଥିଲେ। ଧରାପଡ଼ି ଜେଲ ଗଲେ ୩ ଲୁଟେରା। ନୟାଗଡ଼ ଜିଲ୍ଲାରେ ଏପରି ଘଟଣା ଘଟିଛି। ଗିରଫ ୩ ଲୁଟେରା ହେଲେ ଇଟାମାଟି ଅଞ୍ଚଳର ଚନ୍ଦନ ବେହେରା, ଶିବା ସେଠୀ ଓ ତରୁଣ ଘଡେଇ। ପୁଲିସ ସେମାନଙ୍କଠାରୁ ଲୁଟ ହୋଇଥିବା ସାମଗ୍ରୀ ଜବତ କରିଛି।
ସୂଚନାଅନୁସାରେ, ଇଟାମାଟି ଥାନା ଭୁତଡି ଗ୍ରାମର ଶରତ କୁମାର ପ୍ରଧାନ ଓ ତାଙ୍କ ସ୍ତ୍ରୀ ରଶ୍ମିତା ପ୍ରଧାନ ନୂଆଗାଁ ଥୁଆବାରି ଗ୍ରାମକୁ ବାଇକରେ ଯାଉଥିଲେ। ଏହି ସମୟରେ କଳା ପଲସରରେ ଆସି ୩ ଜଣ ଲୁଟେରା ରଶ୍ମିତା ପିନ୍ଧିଥିବା ସୁନା ହାରକୁ ଝାମ୍ପି ନେବାକୁ ଉଦ୍ୟମ କରିଥିଲେ। ଉଭୟ ପତିପତ୍ନୀ ତଳେ ପଡ଼ିଯାଇଥିଲେ।
Also Read
ପରେ ଲୁଟେରାମାନେ ସେମାନଙ୍କଠାରୁ ଭ୍ୟାନିଟ୍ ବ୍ୟାଗ୍, ନଗଦ ଟଙ୍କା, ଏକ ମୋବାଇଲ ଓ ସୁନା ହାର ନେଇ ଚମ୍ପଟ ମାରିଥିଲେ। ଏନେଇ ରଶ୍ମିତାଙ୍କ ସ୍ୱାମୀ ନୟାଗଡ଼ ଟାଉନ ଥାନାରେ ଲିଖିତ ଅଭିଯୋଗ କରିଥିଲେ। ପୁଲିସ ଘଟଣାର ତଦନ୍ତ କରିବା ସହ ୩ ଜଣ ଲୁଟେରାଙ୍କୁ ଧରିବାରେ ସଫଳ ହୋଇଛି। ଏହାସହ ସେମାନଙ୍କ ଠାରୁ ଏକ ପଲ୍ସର, ଭ୍ୟାନିଟ ବ୍ୟାଗ୍, ମୋବାଇଲ, ସୁନା ଗହଣା ଓ ୧୦ ହଜାର ଟଙ୍କା ଜବତ କରିଛି। ୩ ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ସୂଚନା ଦେଇଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
