ଭାରତ ଭ୍ରମଣ କରିବାକୁ ଆସିଥିବା ଜଣେ ସ୍ପେନ ମହିଳା ଗଣଦୁଷ୍କର୍ମର ଶିକାର। ଗତକାଲି ବିଳମ୍ବିତ ରାତିରେ ଝାଡଖଣ୍ଡର ଡୁମକା ଜିଲ୍ଲାରେ ଦୁଷ୍କର୍ମର ଶିକାର ହୋଇଛନ୍ତି ମହିଳା ଜଣକ। ସ୍ୱାମୀଙ୍କ ସହ ବାଇକରେ ଯିବା ସମୟରେ ତାଙ୍କୁ ଜୋର ଜବରଦସ୍ତ ଉଠାଇ ନେଇ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି।
ସୂଚନା ଅନୁସାରେ, ୪୫ ବର୍ଷୀୟ ଏହି ମହିଳା ଜଣକ ସ୍ୱାମୀଙ୍କ ସହ ଭାରତ ବୁଲିବାକୁ ଆସିଥିଲେ। ଗତକାଲି, ସେ ତାଙ୍କ ସ୍ୱାମୀଙ୍କ ସହ ବାଇକରେ ଯାଉଥିଲେ। ଏହି ସମୟରେ ୮-୧୦ ଜଣ ଲୋକ ସେମାନଙ୍କୁ ଅଟକାଇ ଜୋର ଜବରଦସ୍ତ ନିର୍ଜନ ସ୍ଥାନକୁ ନେଇ ଯାଇଥିଲେ।
Also Read
ପୁଲିସ କହିଛି ଯେ, ଗତକାଲି ୧୦.୩୦-୧୧ ମଧ୍ୟରେ ଏହି ମହିଳା ଜଣକ ପୁଲିସ ଭ୍ୟାନକୁ ଅଟକାଇଥିଲେ। ପାଟ୍ରୋଲିଂ ସମୟରେ ସେ କ୍ଷତବିକ୍ଷତ ହୋଇ ପୁଲିସ ଗାଡିକୁ ଅଟକାଇ ସାହାଯ୍ୟ ମାଗିଥିଲେ। ତାଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି।
ତାଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ କରିଛନ୍ତି। ସେଠାରେ ତାଙ୍କ ଚିକିତ୍ସା ଚାଲିଛି। ମାମଲାରେ ୩ ଜଣଙ୍କୁ ଅଟକ ରଖି ପଚରାଉଚା କରାଯିବା ସହ ଅଧିକ ତଦନ୍ତ କରାଯାଉଥିବା ପୁଲିସ କହିଛି। ସେପଟେ ସମ୍ପୃକ୍ତ ମହିଳାଙ୍କ ସ୍ୱାମୀଙ୍କ ବାବଦରେ କୌଣସି ସ୍ପଷ୍ଟ ସୂଚନା ମିଳିପାରି ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
