ରାଜସ୍ଥାନର ଗଙ୍ଗପୁରରେ ଘଟିଛି ଅଘଟଣ । ଏକ ମୁକୁଳା ବୋରୋୱେଲରେ ଜଣେ ଯୁବତୀ ଖସି ପଡି ଯାଇଛନ୍ତି। ତାଙ୍କୁ ଉଦ୍ଧାର କରିବାକୁ ଯୁଦ୍ଧକାଳୀନ ଭିତ୍ତିରେ ଉଦ୍ୟମ ଆରମ୍ଭ ହୋଇଛି । ଘଟଣାସ୍ଥଳରେ ରାଜସ୍ଥାନ ଅଗ୍ନିଶମ ବାହିନୀ ଓ ଏନଡିଆରଏଫ୍ ଯବାନ ପହଞ୍ଚି ଯୁବତୀଙ୍କୁ ଉଦ୍ଧାର କରିବାକୁ ଚେଷ୍ଟା କରୁଛନ୍ତି।
ଗତକାଲି ସନ୍ଧ୍ୟାରୁ ଯୁବତୀଜଣଙ୍କ ନିଖୋଜ ହୋଇଯାଇଥିଲେ। ବୋରୱେଲର ନିକଟରୁ ଯୁବତୀଙ୍କ ଚପଲ ଦେଖି ପରିବାର ଲୋକ ସେଥିରେ ଖସି ପଡିଥିବା ସନ୍ଦେହ କରିଥିଲେ । ଏନେଇ ସେମାନେ ସ୍ଥାନୀୟ ପୋଲିସ ଓ ଅଗ୍ନିଶମ ବିଭାଗକୁ ଜଣାଇଥିଲେ ।
ଯୁବତୀ ଜଣଙ୍କ ଖସି ପଡିଥିବା ବୋରୱେଲର ଗଭୀରତା ପ୍ରାୟ ୧୦୦ଫୁଟ। ତାଙ୍କୁ ଅମ୍ଳଜାନ ଯୋଗାଇଦେବାକୁ ଉଦ୍ଧାରକାରୀ ଟିମ୍ ପକ୍ଷରୁ ଚେଷ୍ଟା କରାଯାଉଛି । ଏଥିସହ କ୍ୟାମେରା ଖଞ୍ଜା ଯାଇ ଯୁବତୀଙ୍କ ସ୍ଥିତି ଜାଣିବାକୁ ଚେଷ୍ଟା କରାଯାଉଛି।
ଏହି ଖବର ପ୍ରଚାରିତ ହେବା ପରେ ମୁକୁଳା ବୋରୋୱେଲ ନିକଟରେ ଲୋକଙ୍କ ଗହଳି ଜମିବାରେ ଲାଗିଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।