ଟୋଲ ଫିରୁ ବଞ୍ଚିବାକୁ ଅଭିନବ ଉପାୟ ରଚିଲେ ବ୍ୟକ୍ତି। ମାତ୍ର ତାହା ତାଙ୍କୁ ମହଙ୍ଗା ପଡ଼ିଲା ଓ ବ୍ୟକ୍ତିଜଣକ ଏବେ ବନ୍ଧା ହୋଇ ଜେଲ୍ ଚାରି କାନ୍ଥ ଭିତରେ ପହଞ୍ଚିଛନ୍ତି। ଏପରି ଏକ ଘଟଣା ମହାରାଷ୍ଟ୍ରରେ ଘଟିଛି।
ସୋଶାଲ ମିଡିଆରେ ଭିଡିଓ କରୁଥିବା ଶୁଭମ କୁମାର ନାମକ ୩୦ ବର୍ଷୀୟ ଯୁବକ ଘଟଣା ଦିନ ବାନ୍ଦ୍ରା ୱର୍ଲିରେ ଥିବା ସି ଲିକ୍ ଟୋଲ ଗେଟ ନିକଟରେ ପହଞ୍ଚିଥିଲେ। ଉକ୍ତ ଟୋଲ ଗେଟ୍ ଅତିକ୍ରମ କରିବାକୁ ହେଲେ ଟଙ୍କା ଦେବାକୁ ପଡ଼ିବ ଜାଣି ଯୁବକଜଣକ ସେଠାରେ ରହି ଯାଇଥିଲେ।
କିଛି ସମୟ ପରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ କାର୍କେଡ ଉକ୍ତ ଟୋଲଗେଟ୍ ଅତିକ୍ରମ କଲା। ତେଣୁ ଉକ୍ତ କାର୍କେଡରେ ପଶିଗଲେ ଟୋଲ ଫି ଦେବାକୁ ପଡ଼ିବନି ଭାବି ଯୁବକଜଣକ ନିଜ କାର୍ ସହ ପଶି ଯାଇଥିଲେ। ମାତ୍ର ଜଣେ ପୁଲିସ୍ ଅଧିକାରୀ ଏହା ଦେଖି ତୁରନ୍ତ ତାଙ୍କୁ ଅଟକାଇବାକୁ ଚେଷ୍ଟା କରିଥିଲେ। ମାତ୍ର ଯୁବକଜଣକ ଅଟକି ନ ଥିଲେ।
Also Read
ଏହାପରେ ତୁରନ୍ତ ୱର୍ଲି ଟ୍ରାଫିକ ପୁଲିସ୍କୁ ଆଲର୍ଟ କରାଯାଇଥିଲା। ପରେ ସେଠାରେ ତୁରନ୍ତ ତାଙ୍କୁ ମାଡ଼ି ବସିଥିଲା ଟ୍ରାଫିକ ପୁଲିସ୍। ଏହାପରେ ବାନ୍ଦ୍ରା ପୁଲିସ୍ ତାଙ୍କୁ ଗିରଫ କରି ଜେଲ୍ ହାଜତକୁ ପଠାଇ ଦେଇଛି।
ଟୋଲ ଫିରୁ ବର୍ତ୍ତିବାକୁ ଶୁଭମ କୁମାର ଏପରି କରିଥିବା ପୁଲିସ୍ ସମ୍ମୁଖରେ କହିଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
