ବରଗଡ: ତାମିଲନାଡୁକୁ ଦାଦନ ଖଟିବାକୁ ଯାଇଥିବା ବରଗଡ ଜିଲ୍ଲା ଘେଁସ ଗାଁର ଜଣ ଯୁବକଙ୍କ ସନ୍ଦେହଜନକ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ମୃତକ ଜଣକ ଘେଁସ ଗାଁର ଚନ୍ଦ୍ରକାନ୍ତ ବରିହା। ସେ ପ୍ରାୟ ୩ ମାସ ତଳେ ଗାଁରର କେତେକ ଯୁବକଙ୍କ ସହ ଦାଦନ ଖଟିବା ପାଇଁ ତାମିଲନାଡୁର ତ୍ରିପୁର ଜିଲ୍ଲାକୁ ଯାଇଥିଲେ। ଗତ ୧୧ ତାରିଖରେ ସେ ଘରକୁ ଫେରୁଥିବା ବେଳେ ଟ୍ରକ୍ ଧକ୍କାର ତାଙ୍କର ମୃତ୍ୟୁ ହୋଇଥିବା କୁହାଯାଇଛି। ତେବେ ମୃତ୍ୟୁ ପଛରେ ଅନ୍ୟ କିଛି କାରଣ ଥିବା ସନ୍ଦେହ କରି ତାଙ୍କ ପରିବାରଲୋକେ ବରଗଡ ଏସପିଙ୍କୁ ଭେଟିଥିଲେ। ସେହିପରି ଜିଲ୍ଲାପାଳଙ୍କୁ ଭେଟିବା ପରେ ମୃତକଙ୍କ ପରିବାରକୁ ରେଡକ୍ରସ ପାଣ୍ଠିରୁ ୧୦ ହଜାର ଟଙ୍କ। ସହାୟତା ରାଶି ପ୍ରଦାନ କରିଥିଲେ। ସେପଟେ ଯୁବକଙ୍କ ମୃତ୍ୟୁର କାରଣ ନେଇ ତଥ୍ୟ ସଂଗ୍ରହ କରାଯିବ ବୋଲି ଜିଲ୍ଲାପାଳ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
