ବିମାନ ଯାତ୍ରୀଙ୍କ ପାଇଁ ବଡ ଖବର। ଆଜିଠାରୁ ଗଣତନ୍ତ୍ର ଦିବସ ପର୍ଯ୍ୟନ୍ତ ଦିଲ୍ଲୀ ଇନ୍ଦିରା ଗାନ୍ଧି ଅନ୍ତର୍ଜାତୀୟ ବିମାନବନ୍ଦରରେ ବିମାନ ଚଳାଚଳ ଉପରେ କଟକଣା ଲଗାଯାଇଛି। ଏହି ଦିନ ମଧ୍ୟରେ ନିର୍ଦ୍ଦିଷ୍ଟ ସମୟରେ ବିମାନ ଉଡାଣ ଏବଂ ଅବତରଣ ହୋଇପାରିବ ନାହିଁ।
ରିପୋର୍ଟ ଅନୁସାରେ, ସକାଳ ୧୦:୨୦ରୁ ଦିନ୧୨:୪୫ ମଧ୍ୟରେ ବିମାନ ଚଳାଚଳ ବନ୍ଦ ରଖାଯାଇଛି। ଆଜି( ଜାନୁଆରୀ ୧୯)ଠାରୁ ଜାନୁଆରୀ ୨୬ ଗଣତନ୍ତ୍ର ଦିବସ ପର୍ଯ୍ୟନ୍ତ ଲାଗୁ ରହିବ। ଏଥିସହ ଗଣତନ୍ତ୍ର ଦିବସ ଦିନ ସକାଳ ୬ଟାରୁ ରାତି ୯ଟା ପର୍ଯ୍ୟନ୍ତ ବିମାନ ଚଳାଚଳ ବନ୍ଦ ରହିବ।
Also Read
ଏନେଇ NOTAM (Notice to Airmen) ଆଜି ଏକ ସରକାରୀ ଘୋଷଣା କରାଯାଇଛି। ଏହି ସମୟରେ ବାୟୁସେନା, ସେନା, କିମ୍ବା ସୀମା ସୁରକ୍ଷା ବାହିନୀର ହେଲିକପ୍ଟର କାର୍ଯ୍ୟ କିମ୍ବା କୌଣସି ରାଜ୍ୟର ରାଜ୍ୟପାଳ କିମ୍ବା ରାଜ୍ୟ ଓ କେନ୍ଦ୍ର ଦ୍ୱାରା ପରିଚାଳିତ ବିମାନ ଉପରେ ପ୍ରଭାବ ପଡିବ ନାହିଁ ବୋଲି NOTAM କହିଛି।
ଗଣତନ୍ତ୍ର ଦିବସ ଉପଲକ୍ଷେ ଦିଲ୍ଲୀ ଏବେ କଡା ସୁରକ୍ଷା ବଳୟ ମଧ୍ୟରେ ରହିଛି। ଏହାକୁ ଦୃଷ୍ଟିରେ ରଖି ବିମାନ ଚଳାଚଳ ଉପରେ କଟକଣା ଲଗାଯାଇଛି। ଏହା ପୂର୍ବରୁ କୁହୁଡି କାରଣରୁ ଦିଲ୍ଲୀ ବିମାନବନ୍ଦରରେ ହନ୍ତସନ୍ତ ହୋଇଥିଲେ ଯାତ୍ରୀ। ଅନେକ ବିମାନ ବାତିଲ ହେବା ସହ ବିଳମ୍ବ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
