OR 
ଭୋଟ୍ ବର୍ଜନ କରିବାକୁ ନିଷ୍ପତ୍ତି ନେଇଛନ୍ତି ନିଖୋଜ ପିହୁଙ୍କ ମା ଓ ତାଙ୍କ ପରିବାର। ଏନେଇ ଯାଜପୁର ଜିଲ୍ଲା ବିଝାଂରପୁର ଥାନା ମଧୁସୁଦନପୁର ଘର ସାମ୍ନାରେ ବ୍ୟାନର ଲଗାଇଛନ୍ତି। ନିର୍ବାଚନ କମିଶନ ଓ ଜିଲ୍ଲା ପ୍ରଶାସନକୁ ଲିଖିତ ଅବଗତ କରାଇଥିବା ବି ସେ କହିଛନ୍ତି।
୨୦୨୦ ଅଗଷ୍ଟ ୯ ତାରିଖରେ ତାଙ୍କ ଝିଅ ନିଖୋଜ ହେବା ପରେ ଜନ ପ୍ରତିନିଧି କି ସରକାର ତାଙ୍କ ନିଖୋଜ ଝିଅ ପିହୁକୁ ଖୋଜିବାରେ ସହଯୋଗ କରିନଥିବାପିହୁଙ୍କ ମା ଅଭିଯୋଗ କରିଛନ୍ତି। ଏଥିପାଇଁ ସେ ଓ ତାଙ୍କ ପରିବାର ଚଳିତ ନିର୍ବାଚନରେ ଭୋଟ୍ ବର୍ଜନ କରିବାକୁ ନିଷ୍ପତ୍ତି ନେଇଛନ୍ତି।
Also Read
ଯାଜପୁରରେ ପିହୁ ନିଖୋଜ ଘଟଣା ସାରା ରାଜ୍ୟରେ ଚହଲ ସୃଷ୍ଟି କରିଥିଲା। ଏବେ ଯାଏଁ ପିହୁଙ୍କ ସମ୍ପର୍କରେ କୌଣସି ସୂଚନା ମିଳିପାରିନି। ଅପରପକ୍ଷେ, ପିହୁଙ୍କ ମାଆଙ୍କ ଅଭିଯୋଗ ନେଇ ପୁଲିସ କିମ୍ବା ଜିଲ୍ଲା ପ୍ରଶାସନ ପକ୍ଷରୁ ପ୍ରତିକ୍ରିୟା ମିଳିନି।
ପିହୁଙ୍କ ମା କହିଛନ୍ତି, ସାଢ଼େ ଚାରିବର୍ଷ ହେବ ମୋ ପିହୁ ଅପହରଣ ହେଲାଣି। ସରକାରଙ୍କ ପକ୍ଷରୁ ମୋତେ କୌଣସି ସହଯୋଗ କରାଗଲାନି। ପ୍ରଧାନମନ୍ତ୍ରୀ ଓଡ଼ିଶା ଆସିଥିବା ବେଳେ ମୁଁ ତାଙ୍କୁ ଦେଖା କରି ସିବିଆଇ ତଦନ୍ତ କରିବାକୁ ଦାବି କରିଥାନ୍ତି। ହେଲେ ତାଙ୍କୁ ମଧ୍ୟ, ଦେଖା କରିବାକୁ ଦେଲେନି। ଏଥିପାଇଁ ମୁଁ ଓ ମୋ ପରିବାର ଭୋଟ ବର୍ଜନ କରିବାକୁ ନିଷ୍ପତ୍ତି ନେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
