ମଦ ନିଶାରେ ଶୋଇପଡ଼ିଲେ ଶିକ୍ଷକ ଓ ରୋଷେୟା। ଦୀର୍ଘ ସମୟ ଧରି ଉପବାସ ରହିଲେ ୨୫ରୁ ଅଧିକ ଛାତ୍ରଛାତ୍ରୀ। ଶେଷରେ କିଛି ଉପାୟ ନପାଇ ପିଲାମାନେ ନିଜେ ରୋଷେଇ କରୁଥିଲେ। ଏପରି ବିଚିତ୍ର ଚିତ୍ର ଆସିଛି କେନ୍ଦୁଝର ଜିଲ୍ଲା ତଲକୋଇ ବ୍ଲକ ଅଞ୍ଚଳରୁ। ଏନେଇ ଅଭିଯୋଗ ହେବା ପରେ ସମ୍ପୃକ୍ତ ଶିକ୍ଷକଙ୍କୁ ନିଲମ୍ୱିତ କରାଯାଇଛି। ଡିମିରିଆ ଉପ୍ରା ବିଦ୍ୟାଳୟରେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ରହିଛି। ଏଠାରେ ପଢ଼ୁଥିବା ଆଦିବାସୀ ଛାତ୍ରଛାତ୍ରୀଙ୍କ ପାଇଁ ଗୋଟିଏ ଆବାସିକ ହଷ୍ଟେଲ୍ ରହିଛି। ସେହି ହଷ୍ଟେଲ୍ରେ ୨୫ରୁ ଅଧିକ ଛାତ୍ରଛାତ୍ରୀ ରହୁଛନ୍ତି। ଛାତ୍ରାବାସ ଦାୟିତ୍ୱରେ ସେହି ସ୍କୁଲର ଶିକ୍ଷକ ମାନ ସିଂ ମୁଣ୍ଡା ରହିଥିବା ବେଳେ ରୋଷେୟା ଭାବେ ଦେବାନନ୍ଦ ଦେହୁରୀ କାର୍ଯ୍ୟ କରୁଥିଲେ। ଶିକ୍ଷକ ମାନ ସିଂ ମୁଣ୍ଡା ଓ ରୋଷେୟା ଦେବାନନ୍ଦ ମିଶି ବହେ ମଦ ପିଇଥିଲେ! ଉଭୟ ମଦ ପିଇବା ପରେ ଚାଲିବୁଲି ପାରିଲେ ନାହିଁ। ନିଶାରେ ତଳେ ପଡ଼ି ଯାଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
